වසරේ හොඳම දේශපාලකයා (dumbass) තේරීමේ මහා තරඟයට සම්බන්දවෙන්න ඔබටත් ආරාධනා

Posted November 25, 2009 by rain king
Categories: කොමිස්, වංචා සහ දූෂණ, best politician in sri lanka, politics, sri lanka

Tags: , ,

අපේ සල්ලි වලින් සූදූ ක්‍රීඩාකරන දෙශපාලකයින්ගේ සැබෑ තත්වයන් එලිදරව් කිරීමට අද හැකියාවක් නැහැ. අල්ලස් හා දූශණ කොමිසම, කෝප් වාර්තාව, ස්වාධින අධිකරණ සහ පොලිස් කොමිසම් සියල්ල මේ වන විට අකර්මණ්‍ය කර තිබෙනවා. එබැවින් මෙම දේශපාලකයන්ගේ සැබෑ තතු, එනම් මොවුන්ගේ සැබෑ (නො)හැකියාව පිළිඹිබු වන ලෙස මොවුන්ව ශ්‍රේණිගත කිරීමකට හා මොවුන්ගේ (නො)හැකියාව ඇගයීමකට ලක් කර, ඒ මත පදනම්ව මහජන ඡන්දයෙන් පහත සඳහන් සම්මාන/ගෞරවනාම පිරිනැමීමට බලාපොරොත්තු වනවා.

එනම්, මෙතැන් පටන් සෑම වසරකම පහත සඳහන් වර්ගීකරණයන්ට අදාලව, ඔවුන්ට එම “කුසලතා සම්මාන” පිරිනැමෙනු ඇත. තවද, මීට අමතරව තවත් වර්ගීකරනයන් (categories) එක් කිරීමට අවශ්‍ය නම් ඒ බව කාරුණිකව දන්වන්න.

මෙම බ්ලොග් සටහනෙන් ඔබට ආරාධනා කරනවා පහත සඳහන් වර්ගීකරනයන් සම්බන්දයෙන් ඔබේ අදහස් උදහස් දන්වන ලෙස. මෙම වර්ගීකරනයන් නිසිලෙස තෝරාගත් පසුව, මෙම බ්ලොග් අඩවිය මඟින් පාඨක ඡන්දය විමසා අදාල වර්ගීකරණයන්ගෙන් සුදුසු දේශපාලකයින්ව තෝරාගනු ලැබේ.

කෑකෝ පප්පා – යටිගිරියෙන් හරසුන් වචන වලින් බෙරිහන් දෙන දේශපාලකයා
බයිලා චක්‍රවර්ති – බොරු පොරොන්දු බයිලා ක්‍රමයට ඇදබානු ලබන්නා
ජෝන් බාස් සම්මානය –  මෝඩ තකතීරු තීරණ ගනු ලැබූ දේශපාලකයා
jackass – සදාචාර විරෝධි, අවනීතිමය ලෙස කටයුතු කරන දේශපාලකයා
dumbass – මෙය තමයි ඉහලම සම්මානය
ඥාතිසංග්‍රහ සම්මානය – මහජන මුදල්/දේපොල ඥාතිසංග්‍රහ සඳහා යොදාගන්නා
මාටියා – වැඩිම මුදලක් හොරකම් කරපු දේශපාලකයා ලෙස සලකනු ලබන්නා
සුදු අලියා සම්මානය – කිසිම වැඩක් නොකර මහජන මුදල් ගිලින ඇමතිවරයා

කම්මැලි & කාලකන්නි අමාත්‍යංශය – අකාර්යක්ශම අමාත්‍යන්ශය
කාබාසිනියා අමාත්‍යංශය – මහජන මුදල් නිකරුනේ නාස්තිකරන අමාත්‍යන්ශය
අල අමාත්‍යන්ශය – දැනට වැඩ අනාගෙන/නාගෙන සිටින අමාත්‍යන්ශය

ඉහත සඳහන් වර්ගීකරනයන්ට ඔබ විසින් යෝජනාකරන දේශපාලකයාගේ නම කමෙන්ට් එකක් මාරගයෙන් හෝ විද්‍යූත් තැපැල් මාර්ගයෙන්, පහත සඳහන් ආකාරයට අපට දන්වන්න:
වර්ගීකරණය – දේශපාලකයාගේ/අමාත්‍යයන්ශයේ නම
අපගේ විද්‍යුත් ලිපිනය : gravity.post@yahoo.com

පසුව එක් එක් වර්ගීකරණයන්ට අදාල දේශපාලකයාව/අමාත්‍යන්ශය මෙම බ්ලොග් එක මඟින් පවත්වනු ලබන ඡන්ද විමසීමෙන් තෝරාගනු ලැබේ. 😀

මහරජතුමා සහ අබිලික් දූපත ඉන්දියානු කට්ටඩියින්ගේ යටත් විජිතයක්ද ?

Posted November 20, 2009 by rain king
Categories: politics, sri lanka

Tags: ,

අද ලංකාදීප පත්‍රයේ තිබෙනවා මෙහෙම පුවතක්: “ජනාධිපතිවරණ තීන්දුව නැකතට”. එම පුවතෙන් ගම්‍ය වන යතාර්ථය නම් අපේ රටට වැදගත් තීරණ ගන්නේ අපේ රජතුමා නොව ඉන්දියාවේ ඉන්න කට්ටඩියෝ බවයි. ඒ කියන්නේ අපි තාම ඉන්දියානු සාස්තර කාරයින්ගේ, යන්තර මන්තර කරුවන්ගේ වහළුන් බවයි.

සාමාන්‍යයෙන් රටක වැගත් තීරන ගනු ලබන්නේ රටේ නායකයා මිසක් කට්ටඩියෝ නෙමෙයි, එහෙත් අපේ රටේ එබඳු සම්ප්‍රදායක් නොමැත. අපේ රටට අදාල වැදගත් තීරන ගනු ලබන්නේ ඉනිදියානු කට්ටඩියන් බවයි මින් පැහැදිලි වෙන යථාර්තය.

අනෙක් කරුන නම්, අපේ රටේ නායකතුමාගේ සිට බොහෝ දෙනෙක් හදිස්සියේ මුත්‍රා කරන්න සිදුවුනත් වෙලාව සහ රාහු කාලය බලා එය සිදුකලද, මෙතෙක් ඔය සාස්තර, යන්තර මන්තර ගුරුකම් කාරයින්ගේ උපදෙස් පිලිපැද කරපු කිසිදෙයකින් රටට නම් සුගතියක් වී නොමැත. අනෙක, දියුණු රටවල් බොහෝමයක් තාක්ෂණය සහ කර්මානත ආදියෙන් දියුනු වී තිබෙන්නේ ඔය යන්තර මන්තර කරුවන්ගේ උපදෙස් පිලිපැදීමෙන් නොව, ඔවැනි ප්‍රාථමික ලඳ බොලඳ ක්‍රියා වලින් බැහැරව, කැපවීමෙන් තම බුද්ධියට ඉඩ දී ක්‍රියා කිරීම හේතුවෙනි.

එබැවින් දැන්වත් ඔය මිථ්‍යා මනස්ගාත වලින් බැහැරව, රටට අදාල තීරන තම බුද්ධියට ඉඩදී ජනතාවට ප්‍රයෝජනයක් වෙන ආකාරයට ගනු ලබන්නේ නම්, යහපත්ය මහරජතුමනි. තවද, තම දෙපයින් සිටගෙන, ආත්මවිශ්වාසය වඩවාගෙන එසේ කරන්නේ නම්,  අපේ රජානන් ඉන්දියාවේ සාස්තර කරුවන්ගේ රූකඩයක් නොවන බව සැමදෙනා මින් වටහා ගනු ඇත.

මීට ඔබේ රට වැසියා,
කීකරු ඌගුස් සිඤ්ඤෝ

 

ශ්‍රී ලන්කා තලෙයිබාන්වරු සමග සන්චාරක කර්මාන්තය දියුනු කිරීම

Posted August 23, 2009 by rain king
Categories: arts

Tags: , , ,

අද දිවයින පත්තරේ තිබ්බ පසුගියදා හික්කඩුවේ පැව්ති හික්කා 2009 ගැන. මේ පුවත දැකල මට මෙහෙම් හිතුනා..

http://www.divaina.com/2009/08/23/feature18.html
මේ විදියට, ගල් යුගයේ විදියට හිතන තලේයිබාන් වරුන් ඉන්න රටක කොහොමද සන්චාරක කර්මාන්තය නගා සිටුවන්නේ?
මෙම ලිපිය ලියලා තියෙන්නේ ලින්ගික ඉරිසියාවෙන් සහ කුහක කමින්. තමන්ට ලබාගැනීමට නොහැකි සතුටක් අනුන් ලබා ගැනීම නිසා…ඇතිවු ඉරිසියාවෙන්. මෙවැනි මාන්සික රෝගීන් ඉන්න කොට කොහොමද සන්චාරක කර්මාන්තය දියුනු කරනේ ?

ඩිනර් ඩාන්ස් එකකට යන්නෙ, නටලා විනෝද වෙන්න මිසක් සිල් සමාදන් වෙන්න නෙමෙයි නේ. ඉතින් මේක තේරුම් ගන්න බැරි ජනමාධ්‍ය අම්බරුවන් සිටීම ගැන ඇත්තටම කනගාටුවට කරුනක්. තමුන්ගේ දැලි රැවුල තියෙන කාලෙ ඕවා කරන්න හම්බ වුනේ නැහැ කියලා, දැන් ඉන්න එවුන් ඒවට පලි නැහැ. ඒක ඒකාලෙ තමුන්ගෙ බැරි කම.

ඇරත් මොකක්ද ඔය ලන්කාවේ තියෙනවායි කියන මහා ලොකු සන්ස්කෘතිය සහ සදාචාරය? ලන්කාවේ ඉන්නේ වැඩි හරියක් විනයක් නැති මහා කාලකණ්නි ජාතියක්..

– පාරක වාහනයක යන්න දන්නේ නැහැ
– බස් එකක කෙල්ලෙකුට තනියම යන්න බැහැ ජැක් ගහන්වා එහෙම නැත්නම් කොහේ හරි අත පත ගානවා
– ගෑනියෙකුට තමන්ගෙ මිනිහ එක්කවත් පාරෙ යන්න් බැහැ
– ගාලු මාතර දුම්රියෙ යන්නේ මිනිස්සුද නැත්නම් හරක්ද, සත්තුද කියලා හිතෙනවා. වටේ ඉන්න මිනිස්සුන්ව පෙරලගෙන දුවන්නේ. (අනුන්ට හෙන ගැහුවත් කමක් නැහැ තමන්ගේ වැඩේ කෙරෙන්වනම්)
– ගාලු මාතර කන්තෝරු කෝච්චියෙ යන හැටි ඉතින් කිය්න්න ඕනෙ නැහැනේ 😉
– වෙලාවකට වැඩක් කරන්නෙ නැහැ
– තාත්තා දුවව දූශනය කරනවා..
– ලන්කාවෙ ගැහැනු මැද පෙරදිග තම්බිලාගේ අත පල්ලෙන් වැටිලා බැලමෙහෙවර කම් කරනවා
– දෙමලුකුගේ අයිතිවසිකම් ගැන කතා කලොත් ඌ කොටියෙක් කියලා හන්වඩු ගහනවා
– පොලීසියට විනයක් නැහැ, තමන්ගේ බලය අයුතු විදියට බාවිතා කරනවා අහින්සකයින්ව තලන්න පෙලන්න
– පගාව නොදී වැඩක් කරගන්න බැහැ රාජ්‍ය ආයතනයකින්
– දේසපාලුවෝ හතර අතේ නය වෙලා, අහින්සක මිනිස්සුන්ගේ සල්ලි වලින් හතර වරම් ගහනවා…
– විදේශ ඇමති, තමන්ගේ අම්මාගේ අප්පාගේ බූදලය කියලා හිතාගෙන මහජන මුදල් වලින් තමන්ගේ පවුල නඩත්තු කරනවා
– නිදහස් අධ්‍යාපනයත් හාන්සියි. අධ්‍යාපන දෙපාර්තුමේන්තුවට විභාග ප්‍රශ්ණ පත්‍රයක් වත් හද ගන්න බැහැ

පුලුවන් නම් මේවා ගැන ලියලා.. මේ අයාලේ ඉබාගාතේ ඇවිදගෙන යන ජාතිය දැනුව්ත් කරන්න. ඒකයි ජතික පුවත් පතක වගකීම. නැතුව් දැලි රැවුල් තියෙන කොල්ලන්ගේ අධෝමුකය ගැනවත්, උන් පිටකරන වාතයේ තියෙන ගද සුවද ගැනවත්, උඩුකය නිරුවත් ගෑනුන්ට තනපට ඇන්දවීමවත් නෙමෙයි කල යුත්තේ.

අම්මාගේ සහ අප්පාගේ බූදලය වියදම් කර යලි ආරම්භ කිරීමට යන මිහින් ලංකා

Posted December 30, 2008 by rain king
Categories: කොමිස්, වංචා සහ දූෂණ, fraud, politics, sri lanka, travel

Tags:

අපේ රටේ මහජන දේපලවලට දේශපාලුවන් විසින් මේ තාක් කර ඇති හදිය, ඔවුනගේ මියගිය මෑණිවරුන්ට පොදු ජනතාව විසින් කරන පින් අනුමෝදන් කිරීමේ පුණ්‍ය ක්‍රියාවෙන්ම පැහැදිලිව දකින්නට ලැබෙන දසුනකි. පසුගිය 1977 සිට මේදක්වා මොවුන් විසින් පිල්ලි ගසා තිබෙන මුදලුත්, මහවැලි වැනි අසාර්ථක ව්‍යාපෘති තුලින් නාස්ති කර තිබෙන මුදල් සම්බාරයත් කොපමනදැයි ගනනය කලහොත් එය අපේ රට දශක ගනනාවක් ඉදිරියට ගෙනයාමට ප්‍රමානවත් බව නොරහසකි.

(මහවැලි ව්‍යාපෘතියේ අසාර්ථක බව, වෙනම ලිපියකින් විග්‍රහ කිරීමට බලා පොරොත්තු වෙමි)

මිහින් ලංකා ආරම්භ කරන්නේ අපේ උපාසක අම්මලාව අඩු මුදලට දඹදිව රැගෙන යාමටත්, ගමේ ගැහැණුන්ව අඩු මුදලට මැදපෙරදිග තම්බිලාගේ මෙහෙකාර සේවයට රැගෙන යාමත් යන මූලික කරුණුදෙක පදනම් කරගෙනය.

මිහින් ලංකා ආරම්භ කිරීමට මේ ගොන් වහන්සේලා සැලසුම් කරන විට, එමිරේට්‍ස් ආයතනය,  ශ්‍රීලන්කන් ගුවන්සේවය සමඟින් තිබූ ගිවිසුම 2008 මාර්තු මාසයේදී අවසන් වීමට නියමිතව තිබින. එබැවින් මොවුන් විසින් කල යුතුව තිබුනේ එමිරේට්ස් ආයතනය සමඟ ගිවිසුම අවලංඟු වීමෙන් පසුව ශ්‍රීලංකන් ගුවන් සේවය වඩාත් කාර්යක්‍ෂම කිරීම විනා තවත් ගුවන් සේවයක් ආරම්භ කිරීම නම් නොවේ.

මේ වන විට ශ්‍රීලංකන් ගුවන් සේවයද පාඩු ලබන තත්වයකට පත්ව තිබෙන අතර එහි සේවය සහ ගුණාත්මක බවද පිරිහී තිබෙන බව නොරහසකි. එබැවින් කල යුත්තේ ශ්‍රීලන්කන් ගුවන් සේවය නිසි ලෙස කලමනා කර නැවතත් කාර්‍යක්‍ෂම සහ ලාබ ලබන ආයතනයක් බවටපත් කිරීමත්ය.

2008 මාර්තු මාසයෙන් පසුව ශ්‍රීලංකන් ගුවන් සේවයේ කොටස් නැවත රජය හට ලබාගැනීමට හැකි වෙන බව දැන දැනම තවත් නව ගුවන් සේවාවක් කිසිදු සැලසුමකින් තොරව ආරම්භ කිරීමෙන් පෙනී යන්නේ මෙම තීරණ ගත් දෝශපාලුවන්ගේ කාලකණ්ණි අමනෝඤැඤ කමට වඩා මහජන මුදල් හොරකම් කිරීමට ඇති ගිජු බවය.

මිහින් ලංකා ආරම්භ කරන ලද්දේ ඊට අදාල පාර්ශවයන් හට හොරකම් කිරීමට විනා ගුවන් මඟීන්ට කාර්යක්‍ෂම සේවයක් ලබා දීමට නොවන බව පැහැදිලි වන්නේ , කිසිදු සැලසුමකින් තොරව එය ආරම්භ කිරීමත්, ආරම්භ කර ටික  දිනකින් ඊට කලාබරේ වැදීමත් හේතු කොටගෙනය.

රෑ වැටුනු වලේ දවල් වැටෙන්න එපා යැයි අපේ සිංහල කියමනක් තිබේ. එය එසේ නමුදු මහජන මුදල් හොරකම් කරන්නට තිබේ නම් තම අඹු දරුවන් වූවද විකුනාගෙන කෑමට වූවද තමන් සූදානම් බව අපහට කියා පාන්නේ බංකොලොත් වූ මිහින් ලංකා නැවත වතාවක් මිලියන 600 වියදම් කර ආරම්භ කිරීම මෙම විකට අමනයන් රැල කටයුතු කිරීමට යාමෙනි.

එකම වරද දෙවරක් කිරීමට යෑමෙන් මෙම අමනයින් රැල අපට පැහැදිලි කරදෙන්න යන පණිවිඩය කුමක්දැයි සිතන්නට වී මම අන්දුන් කුන්දුන් වී සිටිමි. යුද්ධය ඉදිරියට දමා මොවුන් විසින් කිසිදු හිරිකිතයකින් තොරව කරන මේ සොරකම් හෙලා දැකිය යුතු වන අතර. මොවුන් මේ සියළු දේ කරන්නේ තමන්ගේ අම්මාගේ අප්පාගේ බූදලයකින් නොව මහජන මුදලින් බව මතක තබා ගත යුතුය.

තත්වය මෙසේ තිබියදී මෙම අමනයන් රැලට උගැන්විය හැකි මහඟු පාඩම නම්, හොරකම් කර ගැනීමේ අරමුනෙන් ආරම්බ කරන ලද මිහින් ලංකා ගුවන් සේවය මඟින් ගමන් කිරීමෙන් වැලකී සිටීමය.

මහාචාර්ය නලින් ද සිල්වා ඇන්ඩ් කොම්පැනි ටේලර්ස්, “අපේ කමට” අනුව තරුණ කාන්තාවන්ට ඇඳුම් මසන්නෝ

Posted December 3, 2008 by rain king
Categories: arts, comedy, fashion

Tags: ,

තරුණියන් විසින් ඉන පෙදෙස නිරාවරනය සේ ඇඳුම් පැලඳීම සම්බන්දව එක්තරා විශ්ව විද්‍යාලයක අලවා තිබූ පෝස්ටරයක් සහ ඒ සම්බන්දව මහාචාර්ය නලින්ද සිල්වා විසින් ‘The Island’ පුවත් පතෙහි සඳහන් කර තිබෙන විග්‍රහයක් දුටු මාහට, මගේ සිතේ ඇතිවූ සිතුවිලි සමුදාය මෙසේ සටහන් කරන්නට සිත්වුනි. ඔහු විසින් එහි ප්‍රකාශ කර තිබුනේ එම පෝස්ටරයේ අඩංඟු කරුනු සම්බන්ධව ඔහු සියළු වගකීම බාරගන්නා බවකි.

පෝස්ටරය

පෝස්ටරය

(ඡායාරූපය උපුටා ගැනීම 2008/02/13 දින ‘The Island’ පුවත් පතෙනි)
(මෙය හිපස්ටර් නැමති විලාසිතාව නොවූවද, හිප්ස්ටර් ලෙස, පහසුව තකා මින් පසු සඳහන් කරනු ඇත.)

මහාචාර්ය නලින්ද සිල්වා එම ලිපියෙහි සඳහන් කර තිබෙන කරුණු දුටු විට මසිතට ප්‍රශ්ණ රාශියක් පැන නැගුනි. මහාචාර්ය තුමා සඳහන් කර තිබෙන පරිද්දෙන්, මෙය බටහිර රටවල ගණිකාවන් විසින් බාවිතා කරන විලාසිතාවක් ලෙස ඔහු විසින් ප්‍රත්‍යක්‍ෂ කරගෙන තිබෙන ආකාරය ගැන මුලින්ම පහදාගැනීමට සිත්විය.

ගණිකාවක් සමඟ සයනය කර හෝ ගනුදෙනු කර නොමැතිව කාන්තාවක ගණිකාවක ලෙස නිර්වචනය කල නොහැක. කරුනු කාරනා එසේ නම්….

1. මෙම විලාසිතාව අනුගමනය කරන්නේ ගණිකාවන් යැයි ප්‍රකාශ කිරීමට නම් මහාචාර්ය නලින්ද සිල්වා හිප්ස්ටර් විලාසිතාවකින් සිටින ගණිකාවක් සමඟ සයනය කර හෝ ගනුදෙනු කර තිබිය යුතුය, එසේ නොමැතිව ඔහු විසින් මෙම විලාසිතාව අනුගමනය කරන සියල්ලන් ගණිකාවන් බවට ප්‍රකාශ කරන්නේ කෙසේද ?

2. නැත්නම් ඔහු මෙලෙස ප්‍රකාශ කරනුයේ හිප්ස්ටර් විලාසිතාවකින් සැරසුනු තරුණියක් මහාචාර්ය නලින්ද සිල්වාට අතවරයක් කිරීමට හෝ ඔහුව දූෂණය කිරීමට තැත් කරනු ලැබු නිසාද ?

3. එසේත් නොමැති නම් හිප්ස්ටර් විලාසිතාවකින් සැරසුනු තරුණියක් මහාචාර්ය නලින් ද සිල්වාගේ හිරි ඔතප් බිඳුනු ලැබුවේද එසේත් නොමැති නම්, ලිංගික අපයෝජනයකට ඔහුව පත්කරනු ලැබුවේද? :-O

4. නොඑසේ නම්.. හිප්ස්ටර් විලාසිතාව අඳින්නේ විදේශීය ගණිකාවන් පමණක් බව මහාචාර්ය නලින්ද සිල්වා දැන ගත්තේ කෙසේද ?

5. තරුණියක් අඳින විලාසිතාවක් හේතු කොටගෙන ඇය ගණිකාවක්/වෛශ්‍යා ස්ත්‍රියක් ලෙස හංවඩු ගැසිය හැකිද ?

කලු, කොරල සහ කබර සහිත තරුණියන් මෙම විලාසිතාවෙන් සැරසීම අප්‍රසන්න දෙයක් වූවද ඇතැමුන්ට මෙය මනාව ගැලපේ. ඉන නිරාවරනය ලෙස ඇඳුම් ඇඳීමට ප්‍රිය කරන ලංකාවේ සිටින මගේ පෙම්වතියකට එම නිරාවරනය වන පෙදෙසේ සමනලයකු සහිත පච්චයක් තබා ගැනීමට අවශ්‍යව මගෙන් ඒ සම්බන්දව විමසූ විට මම කිව්වේ කන්න බොන්න දෙන්න වෙන්නේ නැත්නම්, සමනලයෙක් නොව කොටියෙකුව සටහන් කරගත්තද මගේ කම් නොමැති බවයි. 😀 මක් නිසාද, කිසිම අයෙකුව පාලනය කිරීමේ අයිතියක් තවත් අයෙකුට සෘජුව හෝ වක්‍රාකාරව පවරා නැත.

අපේ රටේ සිටින පිරිමින් බොහෝ දෙනෙකු තුල ඇත්තේද මෙම මහාචාර්ය තුමා සතු බොලඳ මානසිකත්වයයි. එනම් කාන්තාව සැම විටම පිරිමියාට අවශ්‍ය ලෙස විලාසිතා කල යුතුය යන අමනෝඤ්ඤ සිතිවිල්ලයි. කාන්තාව යනු ස්වාධීනව කටයුතු කලහැකි, තමන්ට අදාල ලෙස ස්ව තීරණ ගැනීමේ අයිතිවාසිකම් තිබෙන තැනැත්තියකි.

තවත් කොටසක් සිතනුයේද විවාහය යනු, කාන්තාවක විධායක බලතල සහිතව පාලනය කිරීමට ලබාදෙන බලපත්‍රයක් ලෙසය, ඉතින් අවසානයේ කාන්තාව අනවශ්‍ය ලෙස ‘පාලනය’ කිරීමට ගොස් විවාහයට කලාබරේ වැදෙන විට මෙවැනි තකතීරු අදහස් එලියට දමන මහාචාර්ය වරුන් එම පිරිමින්ගේ පිහිටට එන්නේ නැත. 😀 මෙම මහාචාර්ය තුමා ‘The Island’ පුවත් පතට පවසන කරනු වලින් පවසන්නේ ලාංකීය තරුණියන්ද “අපේකම” රැකෙන අයුරින් ඇඳුම් පැලඳිය යුතු බවයි.

ශෘංගාරය යනු තවත් එක් රසයකි…. සැලලිහිනි සන්දේශයේ මෙම ශෘංගාර රසය නොමැතිද ? තම විලාසිතාවන්ගෙන් ශෘංගාර රසය මතුකිරීමට කාන්තාවන්ට අයිතියක් නොමැතිද ? නලින් ද සිල්වාගේ මෙම න්‍යයායට අනුව සීගිරි බිතු සිතුවම් වල සිටිනා ලඳුන්ද ලංකාවේ විසූ ඉපැරණි ගණිකාවන් විය යුතුය.

අද බොහෝ නිමි ඇඳුම් සැකසෙන්නේ නූතන විලාසිතාවට අනුවය, මෙහිදී ඇතැම් විට, මෙම හිප්ස්ටර් විලාසිතාවනට අකමැති තරුණියකට වූවද ඉබේම මෙම විලාසිතාවට යොමුවීමට සිදුවේ. මක් නිසාද වෙළඳ පොලේ තිබෙන දේ මිලදී ගැනීමට අපට සිදුවෙන හෙයිනි. උදාහරණයක් ලෙස මාවිසින් එක්තරා සමාගමකට අයත් ඩෙනිම් කලිසම් භාවිතා කරනවා.. නමුත් මෑතක සිට ඔවුන් තනිකරම නිපදවනු ලබන්නේ Low Raised කලිසම්ය, එනම් ඉනෙන් මඳක් පහලට වන ලෙස අඳින ඩෙනිම් කලිසම්ය. මා කෙතරම් අකමැති වූවද, අඳින්න වෙන්නේ මෙයයි.

ඒ කෙසේ වෙතත්, මහාචාර්ය නලින්ද සිල්වාට මෙම හිප්ස්ටර් විලාසිතාව දිරවන්නේම නැත්නම්, “අපේ කම” රැකගැනීමට බලවත් උවමනාවක් තිබේනම් කලයුතු වන්නේ ඔය නපුංසක පර්ශදයත් සමඟ තාප්ප සහ බිත්ති ගානේ ගොස් පෝස්ටර් ඇලවීම නොව ටේලර් සාප්පුවක් දමා කාන්තාවන්ට “අපේ කමට” ගැලපෙන ආකාරයෙන් ඇඳුම් මැසීමය. මෙමඟින් ඔය පර්ශදයේ සිටින සාමාජිකයින්ගේ රැකියා ප්‍රශ්ණයත් ඉබේම විසදේ. තවද මෙම ව්‍යාපෘතිය චින්තන මහත්තයාගේ “අපේ කම” ප්‍රතිපත්තිත් සමඟ සමපාත වන හෙයින් මෙම ටේලර් සාප්පුවට අවශ්‍ය අමුද්‍රව්‍ය සඳහා බදු සහනද ලබා ගත හැකි වේවියැයි මම තරයේම විශ්වාස කරමි. 😀

පලි:

උක්ත විලාසිතාවට එරෙහි වනු වස් මෙම මහාචාර්ය තුමන් විසින් , කාන්තාවන්ද “අපේ කම” රැකෙනු පිනිස “අමුඩය” පැලඳිය යුතුයැයිද, එය ජාතික ප්‍රතිපත්තියක් ලෙස නිර්දේශ කලද… මම පුදුම නොවන්නෙමි… මක්නිසාද අපේ රටේ ආවාර්ය සහ මහාචාර්ය වරුන්ගේ කෙරුවාව මේ වන විට ඔවුන් විසින් මනාව ඔප්පු කර තිබෙන හෙයිනි.. උදා : ආචාර්ය මර්වින් ද සිල්වා, මහාචාර්ය නලින් ද සිල්වා, මහාචාර්ය ජී ඇල් පීරිස්, ආචාර්ය ජයදේව උයන්ගොඩ

my favorite politician – dr. marvain silva

Posted August 8, 2008 by rain king
Categories: comedy, politics

when it comes to our local politics, i have no other favorite politician than dr. maravin silva. i have put him on that slot due to the unique quality he has, which most of the sri lankans have failed to identify. sad but true.

we all know politicians are the curse for this country and we all know how stupid and dumb they are. but it takes time for us to understand their stupidity. you need to observe them for a while to understand how stupid and dumb they’re, for a period of time to put that stamp on them.

cbk is a good example, most thought she’s going to do something to the country(??), but ended up doing the worst damage in the entire history competing well with jr and premadasa. and it took SOME TIME for people to understand how stupid and dumb she is.

but with my favorite, you don’t have to consume time trying to identify who he is. for he calls him self that he’s a stupid idiot. which is the great quality i have seen in him, to nominate as my favorite politician. what’s missing in him is a tattoo on his forehead reading as “i’m an idiot”. imho, i don’t think that’s needed, for his actions speak on behalf of himself. further, he represents the bravery 2500 people who vote for him and doing the justice for them.

as a result of mastering the subjects of “Practical Stupidity” and “Concepts of a Donkey” during his day to day conduct in a well controlled manner, he achieved the well deserved PhD for that. being a relative of king dutu gemunu, he’s a devoted father for his children. his children have proved beyond any doubts that they’re following father’s footsteps, showing the same _great_ qualities.

you really don’t have to be surprised, if he claims himself to be a relative of buddha. for that’s what he is and the PhD is given for. finally, i’m proud to have him as my favorite politician for the given facts. keep going my friend!!

-rain king

අලියාත් හරි හෙන්ඩුවත් හරි ඇත් ගොව්වට වෙලාව තමයි නැත්තේ

Posted May 26, 2008 by rain king
Categories: arts

මාසයක විතර පොඩි නිවාඩුවකට පස්සේ මම මගේ අළුත් ස්ථානයට පැමින, ගිය බදාදා ( 07-05-2008 ) තමයි සිංහල නිසි ලෙස ස්ථාපනය කරන්න හම්බ වවුනේ ඒත් ලියන්න වෙලාවක් හම්බ වුනේ නැහැ වැඩ ගොඩගැහිලා නිසා. ලංකාවෙ හිටපු අන්තිම දවස් කිහිපය තුල මගේ ZION (Dell XPS M1330) හී video card එකෙහි තිබු දෙෝශය මහා අල කලංචියක් බවට පත්වෙලා වැඩ කරන්නේ නැතිව තිබුනා. nVidia card එකේ තමයි දෙෝශය තිබුනේ, Dell පාරිභෙෝගික සේවාවට කතා කලාට පසු දිනම එහි දෘඪාංග විශේෂඥයකු පැමින අළුත් motherboard එකක් සවිකර වැඩේ ගොඩ දැම්මා. Dell පාරිභෙෝගික සේවාව ඉතාමත් හොඳයි, පැය 24 යෑමට ප්‍රථම මගේ ගැටළුව නිරාකරනය කර දුන්නා.

ලියන්න නම් ගොඩක් දේවල් තියෙනවා, මේ දවස් වල ලංකාවේ මරු දේවල් සිද්ධ වෙන බව නම් දකින්න ලැබෙනවා, මේ අතර ප්‍රධානම වන්නේ ජොලි සීයා සඳහා වන තරඟයට ඉතාමත් ප්‍රවේගකාරීව පිටියට පිවිස මඤ්ඤං කෙලින අපේ සෙෝමචංශ අයියයි. බොහෙෝම සෙෝවාන් වෙච්ච ස්වරූපයට හිටියත් තමන්ගේ සැබෑ හිස් බව ප්‍රකට කරමින් මඩ ගසන ආකාරය හාස්‍ය දනවන කරුණක් වූවද ඉතාමත් නිර්ලජ්ජිත බවයි මට නම් හැඟෙන්නේ.

පසුගිය දින වල ලංකාවට ආධාර දෙන්න එපා කියලා ලෙෝකෙ වටේ ගිය රනිල් මාමාට චුවින්ගම් එකක් හප හප ඉන්න කොට අමුතුම සත්ව කරුනාවක් පහල වෙලා.. ගොඩක් දේවල් තියනවා ලියන්න.. මගේ backlog එක ඉවර වූ වහාම නැවත වැඩට බහිමු එහෙනම්. (ඒත් මෙහෙ වටේටම Pub සහ Night Clubs තියෙන ප්‍රමාණය අනුව , වෙලාව තියෙයිද කියන එකත් ප්‍රශ්ණයක්.  😀 )